Historia mes Marsielës dhe Indritit duket se vazhdon të tërheqë vëmendjen edhe pas përfundimit të emisionit që i bëri të njohur për publikun.
Së fundmi, ishte vetë Indriti ai që riktheu Marsielën në qendër të vëmendjes përmes një videoje të publikuar në rrjetet sociale.
Në video, Indriti pyet ndjekësit:
“A doni me dit se çfarë thotë Marsiela?”
Më pas ai shpjegon se shumë persona e pyesin për Marsielën në komentet e tij dhe nis të tregojë një pjesë të komunikimit mes tyre. Në mënyrë të dukshme, ai e shoqëron këtë moment me një reagim të emocionuar, duke bërë që Marsiela ta kthejë situatën në një batutë.
"Shiheni sa i ngazëllyer që është…”, shprehet Marsiela, duke e shoqëruar momentin me një foto të Indritit.
Por përgjigjja e saj nuk mbaron aty.
Marsiela e sfidon publikisht:
“Indrit, emisioni ka mbaruar! Askush nuk do t'ja di më për ne të dy!”
Më pas ajo shton:
“Pse merresh akoma me mua kur s’do t’ia dish për mua?”
Dhe vjen fjalia që ka tërhequr më shumë vëmendje:
“Çfarë ke dashur të tregosh me këtë video përveçse ti do t'ja dish per mua njesoj siç une dua t'ja di per ty”
Marsiela e mbyll reagimin duke qeshur, duke e kthyer gjithë situatën në një moment ironik.
Por Marsiela nuk u ndal me kaq.
Ajo publikoi edhe dy throwback-e nga emisioni, ku të dy pyeteshin nëse kishin ende ndjenja për njëri-tjetrin.
