Pamjet e publikuara nga vendngjarja tregojnë dy persona me maska, të cilët, pasi arritën në majën e ndërtesës 443 metra të lartë, realizuan edhe një propozim martese.
Në banderolën që ata shpalosën lexohej mesazhi: “Kur fuqia e dashurisë mposht dashurinë për pushtetin, bota njeh paqen.”
Ende nuk dihet se si ata arritën të ngjiteshin në majën e një prej ndërtesave më ikonike në botë, ndërsa autoritetet kanë nisur hetimet për të zbardhur rrethanat e incidentit.
New York City Police Department njoftoi se ngjarja ndodhi rreth mesditës në ndërtesën e vendosur në Fifth Avenue dhe se fatmirësisht nuk u raportuan persona të lënduar.
Ndërkohë, në rrjetet sociale është publikuar edhe një video e filmuar nga njëri prej personave nga platforma pranë majës së Empire State Building.
Pas incidentit, dhjetëra efektivë policie, përfshirë njësitë e specializuara të Shërbimeve Emergjente, u angazhuan në vendngjarje për të menaxhuar situatën dhe për të hetuar mënyrën se si u realizua ky veprim.
